Հայաստանին նվիրված փառատոն Կարլսռուհե քաղաքում

30 նոյեմբերի, 2015

Նոյեմբերի 21-29-ը ԳԴՀ Կարլսռուհե քաղաքի «Badisches Staatstheater» պետական թատրոնում անցկացվեց «Անմոռուկ» խորագրով Հայաստանի պատմությանն ու ներկային նվիրված փառատոնը:

Փառատոնի շրջանակներում կայացավ Ֆրանց Վերֆելի «Մուսա լեռան 40 օր» վեպի մոտիվներով Կարլսռուհեի պետական թատրոնի դրամատիկական ղեկավար Յան Լինդերսի կողմից բեմադրված «Մուսա լեռան մանուկները» ներկայացման պրեմիերան: Նշված ներկայացումը մինչև 2016 թվականի ապրիլ ավելի քան 20 անգամ բեմադրվելու է Գերմանիայի տարբեր թատերական բեմերում:

Փառատոնի ծրագրում տեղ էր գտել նաև Վարուժան Ոսկանյանի «Շշուկների մատյան» վեպի ընթերցումը, ինչպես նաև՝ Գերմանահայկական ընկերակցության կողմից պատրաստված «Աղետ» խորագրով փաստագրական ցուցահանդեսը:
Նոյեմբերի 29-ին կայացած փառատոնի փակման գալա-միջոցառմանը ներկաներին ողջույնի խոսքով դիմեցին դեսպան Աշոտ Սմբատյանը, Կարլռուհեի քաղաքապետ Ֆրանկ Մենթրուպը։

Միջոցառմանը ներկա էին ԳԴՀ Բունդեսթագի և լանդթագերի պատգամավորներ, Բադեն-Վյուրթեմբերգի երկրամասային կառավարության և Կարլսռուհեի քաղաքային իշանությունների ներկայացուցիչներ, հասարակական-քաղաքական և մշակութային գործիչներ և հայ համայնքի ներկայացուցիչներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր