Ընդունելություն ITB ցուցահանդեսի հայկական տաղավարում

12 մարտի, 2016

Մարտի 11-ին Գերմանիայում ՀՀ դեսպանությունը կազմակերպել էր ընդունելություն Բեռլինում անցկացվող հեղինակավոր ITB միջազգային զբոսաշրջային ցուցահանդեսի հայկական տաղավարում: Միջոցառմանը ներկա էին ԳԴՀ Բունդեսթագի զբոսաշրջության հարցերով մշտական հանձնաժողովի պատվիրակությունը` հանձնաժողովի փոխնախագահ, ՔԴՄ/ՔՍՄ կուսակցության անդամ Քլաուս Բրեմիգի գլխավորությամբ, Գերմանիայում հավատարմագրված դիվանագետներ, լրագրողներ և զբոսաշրջության ոլորտի գործարարներ:

Հյուրերի համար Կոմիտասի, Սայաթ-Նովայի և այլ հայ մեծանուն կոմպոզիտոների ստեղծագործությունների կատարմամբ հանդես է եկել բեռլինահայ երաժիշտ Ստեփան Գանտրալյանը:

Նույն օրը՝ երեկոյան, ՀՀ դեսպանությունում կայացել է հանդիպում հայկական տաղավարում Հայաստանը և Արցախը ներկայացնող ընկերությունների ներկայացուցիչների հետ:

Իր ողջույնի խոսքում դեսպան Սմբատյանը բարձր է գնահատել ոլորտի ներկայացուցիչների կողմից իրականացվող աշխատանքը և նշել է, որ զբոսաշրջությունը հայ-գերմանական տնտեսական համագործակցության հիմնասյուներից մեկն է, և այն պետք է ավելի հզորացնել:  

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր