Համաձայնագրի ստորագրում Բեռլինում

07 ապրիլի, 2016

Ապրիլի 6-ին ՀՀ Նախագահ Սերժ Սարգսյանի Գերմանիա պաշտոնական այցի շրջանակներում Բեռլինում ստորագրվել է ՀՀ և ԳԴՀ կառավարությունների միջև դիվանագիտական ներկայացուցչության, հյուպատոսական հիմնարկի կամ մշտական ներկայացուցչության անդամների ընտանիքի անդամների վարձատրվող աշխատանքի մասին համաձայնագիրը: Հայկական կողմից այն ստորագրել է ՀՀ դեսպան Աշոտ Սմբատյանը, իսկ գերմանական կողմից` ԳԴՀ ԱԳՆ Կենտրոնական աշխատակազմի ղեկավար Վոլֆգանգ Դոլդը:

Նույն օրը դեսպան Սմբատյանը և ԳԴՀ ֆինանսների դաշնային նախարարության միջազգային հարկային վարչության ղեկավարի տեղակալ Քլաուս Քլոթցը ստորագրել են «ՀՀ և ԳԴՀ կառավարությունների միջև եկամուտների և գույքի կրկնակի հարկումը բացառելու և հարկումից խուսափելը կանխելու մասին» համաձայնագրի ստորագրման շուրջ համատեղ հայտարարությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր