Դեսպան Սմբատյանը մասնակցեց Թյուրինգիա երկրամասի ՔԴՄ կուսակցության տարեկան համաժողովին

11 ապրիլի, 2016

Ապրիլի 9-ին դեսպան Աշոտ Սմբատյանը մասնակցեց ԳԴՀ Թյուրինգիա երկրամասի Զալե-Հոլցլանդ քաղաքում կայացած Քրիստոնեա-դեմոկրատական միություն կուսակցության երկրամասային մասնաճյուղի տարեկան համաժողովին, որի շրջանակներում կազմակերպվեց նաև ավանդական երկրամասային խնջույքը: Ամենամյա միջոցառման այս տարվա հյուրը Հայաստանն էր:

Դեսպան Սմբատյանը հանդես եկավ Հայաստանի վերաբերյալ ելույթով, որի ընթացքում անդրադարձավ նաև ԼՂ հիմնահարցին և ապրիլի 2-5-ը Ադրբեջանի կողմից սանձազերծված ռազմական գործողություններին: Ելույթից հետո դեսպանը պատասխանեց նաև ներկաների բազմաթիվ հարցերին:

Միջոցառմանը մասնակցեցին ԳԴՀ կառավարության աշխատակազմի ղեկավար, հատուկ հանձնարարություններով դաշնային նախարար Պետեր Ալտմայերը, ԳԴՀ Բունդեսթագի և Թյուրինգիա երկրամասի խորհրդարանի անդամներ, լրագրողներ, քաղաքական-հասարակական գործիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր