Հայոց Ցեղասպանության զոհերի հիշատակին նվիրված խաչքարի բացում Յենա քաղաքում

18 ապրիլի, 2016

Ապրիլի 17-ին ԳԴՀ Թյուրինգիա երկրամասի Յենա քաղաքի կենտրոնական պուրակներից մեկում տեղի ունեցավ Հայոց ցեղասպանության զոհերի հիշատակը հավերժացնող խաչքարի բացումը և օրհնության կարգը՝ ձեռամբ Հայ առաքելական եկեղեցու Գերմանիայի թեմի առաջնորդ Գարեգին արքեպիսկոպոս Բեկչյանի։

Արարողությանը ողջույնի խոսքով հանդես եկան ՀՀ դեսպան Աշոտ Սմբատյանը, ԳԴՀ Բունդեսթագի պատգամավոր, Գերմանա-հայկական ֆորումի նախագահ Ալբերտ Վայլերը և Յենայի քաղաքապետ Ալբրեխտ Շրյոթերը, որոնք իրենց խոսքում նշեցին, որ Թուրքիայի կողմից Հայոց ցեղասպանության ճանաչումը հաշտեցման անկյունաքարն է:

Միջոցառմանը ներկա էին ԳԴՀ Բունդեսթագի և Լանդթագերի պատգամավորներ, Յենայի քաղաքապետարանի աշխատակիցներ, հայ համայնքի ներկայացուցիչներ։

Խաչքարի պատրաստման և Գերմանիա տեղափոխման հետ կապված բոլոր ծախսերը հոգացել է hալեպահայ բարերար Փաուլ Գյուլօղլին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր