ՀՀ փոխվարչապետի այցը Գերմանիա

21 ապրիլի, 2016

Ապրիլի 18-20-ը ՀՀ փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանի գլխավորած պատվիրակությունը աշխատանքային այցով գտնվում էր Բեռլինում` 4-րդ ամենամյա Արևելյան ֆորումի աշխատանքներին մասնակցելու նպատակով:

Ապրիլի 18-ին Վ. Գաբրիելյանը մասնակցել է ֆորումի հանդիսավոր բացմանը, որտեղ ՀՀ դեսպանությունը հանդես է եկել առանձին տաղավարով: Հայկական տաղավար այցելած բազմաթիվ հյուրերին առաջարկվել են Հայաստանի տնտեսության, զբոսաշրջության մասին պատմող տեղեկատվական նյութեր, ինչպես նաև` հայկական արտադրության գինիներ, կոնյակ և ազգային ուտեստներ:

Ապրիլի 19-ին ՀՀ փոխվարչապետը, լինելով ֆորումի ամենաբարձրաստիճան հյուրը, հանդես է եկել բացման խոսքով, որում հատուկ անդրադարձ է կատարել Հայաստանի Հանրապետության և ԵՄ-ԵԱՏՄ փոխհարաբերություններին՝ մատնանշելով, որ Հայաստանը, ունենալով ԵՄ հետ փոխգործակցության հարուստ փորձ, կարող է յուրօրինակ կամուրջ հանդիսանալ ԵՄ–ԵԱՏՄ փոխհարաբերություններում, ինչպես նաև` մոդել լինել ԵՄ և տարածաշրջանային տնտեսական միությունների անդամակցող այլ երկրների միջև փոխհարաբերությունների կարգավորման առումով:

Այնուհետև Վ. Գաբրիելյանը մասնակցել է «Առևտուր» թեմայով կլոր սեղան-քննարկմանը, որի ընթացքում այլ մասնակիցների հետ քննարկել է ԵՄ-ԵԱՏՄ հարաբերությունների հեռանկարները, իրականացվելիք քայլերը և նախագծերը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր