Դեսպան Սմբատյանն այցելեց Ցվիքաու քաղաք

23 ապրիլի, 2016

Ապրիլի 22-ին ՀՀ դեսպան Աշոտ Սմբատյանն այցելելց ԳԴՀ Սաքսոնիա երկրամասի Ցվիքաու քաղաք, ուր Փեթեր Բրոյերի անվան գիմնազիայում հանդես եկավ «Երկխոսություն Հայաստանի հետ» խորագրով ծավալուն դասախոսությամբ: Միջոցառումը կազմակերպվել է Գերմանա-հայկական ֆորումի նախաձեռնությամբ:

Գիմնազիայի 11-րդ և 12-րդ դասարանների աշակերտներին ներկայացվեց Հայաստանի պատմությունը, մշակույթը, երկրի արդի քաղաքական, տնտեսական զարգացումներն ու մարտահրավերները: Ա. Սմբատյանը մասնավորապես, անդրադարձավ հայաստանյան կրթական համակարգի առանաձնահատկություններին՝ մեկնաբանելով Հայաստանում բուհական կրթություն ստանալու գերմանացի երիտասարդների հնարավորությունները: Զեկույցին հաջորդեց քննարկում և հարցուպատասխան:

Միջոցառմանը ներկա էին Բունդեսթագի պատգամավոր Քարսթեն Քյորբերը (ՔԴՄ), Ցվիքաուի քաղաքապետարանի կրթության վարչության ղեկավար դոկ. Զաուբերը, տնօրեն Միխայել Օլբրիխը, հասարակական-քաղաքական գործիչներ, լրագրողներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր