Հայ դիրիժորը ճանաչվել է գերմանական հեղինակավոր համերգ-մրցույթի հաղթող

01 հունիսի, 2016

Հայաստանի պետական երիտասարդական նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը Բեռլինում կայացած “Դեբյուտ Բեռլին 2016” հեղինակավոր համերգ-մրցույթի ընթացքում արժանացել է “Լավագույն դիրիժոր” մրցանակին:  Մրցույթն անցկացվել է 5 անվանակարգով՝ ջութակ, թավջութակ, դաշնամուր, կոմպոզիցիա և դիրիժորություն։  Հունիսի 1-ին Սերգեյ Սմբատյանի ղեկավարությամբ Գերմանիայի սիմֆոնիկ նվագախումբը Բեռլինի ֆիլհարմոնիկ դահլիճում կատարել է Նիկոլո Պագանինիի և Սերգեյ Պրոկոֆևի ստեղծագործությունները:

Նշյալ մրցանակաբաշխությունը նպատակ ունի առանձնացնել երիտասարդ տաղանդավոր երաժիշտներին և աջակցել նրանց հետագա կարիերայում: Այս տարի մրցույթի ժյուրիի կազմում եղել են աշխարհահռչակ այնպիսի երաժիշտներ, ինչպիսիք են ջութակահար Վիկտոր Տրետյակովը, թավջութակահար Լեոնիդ Գորոխովը, դիրիժոր Միխայիլ Յուրովսկին և կոմպոզիտոր Քշիշտոֆ Մեյերը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր