Պարգևատրման արարողություն Բեռլինում ՀՀ դեսպանությունում

06 հուլիսի, 2016

Հուլիսի 5-ին Գերմանիայում ՀՀ դեսպանությունում տեղի ունեցավ գերմանացի մի շարք հասարակական-քաղաքական և մշակութային գործիչների պարգևատրման արարողություն:

Մասնավորապես, Հայոց Ցեղասպանության ճանաչման ու դատապարտման գործում առանձնահատուկ ծառայությունների և հասարակական-մշակութային նշանակալից գործունեության համար Երևանի պետական համալսարանի «Հոբելյանական հուշամեդալով» պարգևատրվեցին գերմանացի անվանի ռեժիսոր, դրամատուրգ, Քրիստիան Պապկեն և Յոհաննես Լեփսիուսի տուն-թանգարանի տնօրեն Դր. Ռոլֆ Հոսֆելդը: ԵՊՀ «Հոբելյանական հուշամեդալով» պարգևատրվեց նաև «Կոնտակտե-Կոնտակտի» կազմակերպության հիմնադիր, ժողովուրդների փոխըմբռնման և համերաշխության առաջամարտիկ Էբերհարդ Ռադչուվայթը:

Ողջունելով ներկաներին` դեսպան Ա. Սմբատյանն իր խորին շնորհակալությունը հայտնեց գերմանացի գործիչներին՝ մաղթելով նրանց հաջողություններ իրենց հետագա նախաձեռնություններում:

Ողջույնի խոսքով հանդես եկավ նաև Հայ-գերմանական ընկերակցության նախագահ Դր. Րաֆֆի Կանտյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր