Կրթաթոշակակիրների ընդունելություն դեսպանությունում

19 օգոստոսի, 2016

Օգոստոսի 18-ին Գերմանիայում ՀՀ դեսպան Աշոտ Սմբատյանն ընդունեց գերմանական ամենահեղինակավոր հիմնադրամներից մեկի՝ Գերմանական ակադեմիական հիմնադրամի (Studienstiftung des deutschen Volkes) կրթաթոշակակիրներին:  

Կրթաթոշակակիրները մեծամասամբ գերմանական բուհերի քաղաքագիտության և պատմության ֆակուլտետների ուսանողներ և ասպիրանտներ են: 35 հոգուց բաղկացած խումբը նախնական ուսումնասիրություն էր իրականացրել Հայոց ցեղասպանության վերաբերյալ, այնուհետև այցելել Թուրքիա, հանդիպել Թուրքիայի հասարակական-քաղաքական կազմակերպությունների ներկայացուցիչների հետ: Ուսանողները հանդիպումներ են ունեցել նաև գերմանական տարբեր կազմակերպությունների ներկայացուցիչների, պաշտոնյաների հետ:  Նախագծի մաս էր կազմում նաև այցելություն Գերմանիայում ՀՀ դեսպանություն, որի ընթացքում դեսպան Սմբատյանը երիտասարդ հետազոտողների համար հանդես եկավ հակիրճ դասախոսությամբ: 

ՀՀ դեսպանի հետ հանդիպման ժամանակ հիմնադրամի կրթաթոշակակիրները փաստեցին, որ Գերմանիայի Բունդեսթագի կողմից Հայոց ցեղասպանության ճանաչման մասին բանաձի ընդունումից հետո գերմանացի գիտաշխատողներն ավելի ակտիվ կներգրավվեն այս թեմայով հետազոտությունների իրականացմանը, ինչն իր հերթին կբարձրացնի հանրային իրազեկության մակարդակաը տվյալ հիմնահարցիվերաբերյալ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր