Երևանի 2798-ամյակին նվիրված միջոցառում Գերմանիայի Լեեր քաղաքում

08 հոկտեմբերի, 2016

Հոկտեմբերի 8-ին Գերմանիայի Լեեր քաղաքում տեղի ունեցավ Երևանի 2798-ամյակին նվիրված միջոցառում:

Միջոցառմանը ներկա էին Եվրախորհրդարանի պատգամավոր, Լեերի մարզային խորհրդի ղեկավար Մաթիաս Գրոթեն, Լեերի փոխքաղաքապետ Բրունո Շախները, Բունդեսթագի պատգամավոր Մարկուս Պաշկեն, Գերմանիայում ՀՀ դեսպանության խորհրդական Դավիթ Դավթյանը, ինչպես նաև հայ համայնքի մի շարք ներկայացուցիչներ։

Միջոցառումը կազմակերպվել էր Լեերի բնակիչ հայազգի Ալբերտ Թովմասյանի նախաձեռնությամբ և հովանավորությամբ: Այն նշանավորվեց քաղաքի կենտրոնական այգում՝ Ինզելգարդենում, Երևան-Լեեր բարեկամությունը խորհրդանշող նստարանների տեղադրմամբ, որոնք Լեերին էր նվիրել Երևանի քաղաքապետ Տարոն Մարգարյանը։

Ողջունելով ներկաներին` Դ. Դավթյանը շնորհակալություն հայտնեց Լեերի քաղաքային խորհրդի անդամներին և Ա.Թովմասյանին միջոցառման կազմակերպման համար` հավելելով, որ նմանօրինակ ձեռնարկները նպաստում են հայ-գերմանական բարեկամական հարաբերությունների ամրապնդմանն ու զարգացմանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր