Դեսպան Սմբատյանի աշխատանքային այցը Բադեն-Վյուրթեմբերգ երկրամաս

16 դեկտեմբերի, 2016

Դեկտեմբերի 16-ին Գերմանիայում ՀՀ դեսպան Աշոտ Սմբատյանն աշխատանքային այցով մեկնեց Բադեն-Վյուրթեմբերգ երկրամաս:

Այցի շրջանակներում դեսպանը հանդիպում ունեցավ Հայդելբերգ քաղաքի քաղաքապետ պրոֆ. Էքարթ Վյուրցների հետ, որի ընթացքում զրուցակիցներն քննարկեցին Հայդելբերգ և Երևան քաղաքների միջև հնարավոր համագործակցության հեռանկարները: Հանդիպման ավարտին դեսպանը գրառում կատարեց Հայդելբերգի քաղաքապետարանի պատվավոր հյուրերի «Ոսկե գրքում»:

Այցի շրջանակներում Գերմանիայի ամենահին համալսարանի՝ Հայդելբերգի համալսարանի ռեկտորատում դեսպան Սմբատյանը հանդիպում ունեցավ համալսարանի գիտական և միջազգային հարաբերությունների հարցերով փոխնախագահ պրոֆ. Դիթեր Հերմանի և արտաքին կապերի վարչության ղեկավար դոկտ․ Յոախիմ Գերկեի հետ: Հանդիպմանը քննարկվեցին ԵՊՀ և ԵՊԲՀ հետ Հայդելբերգի համալսարանի համագործակցության ուղղությամբ ձեռնարկվելիք քայլերը:

Նույն օրը դեսպան Սմբատյանին հյուրընկալեց Վայմարյան Հանրապետության (1919-1933թթ․) առաջին նախագահ Ֆրիդրիխ Էբերտի տուն-թանգարան հուշահամալիրի գործադիր տնօրեն Բերնդ Բրաունը: Հանդիպմանը դեսպան Սմբատյանը պատասխանեց թանգարանի գիտաշխատողների և գիտահետազոտական բաժնի ասպիրանտների բազմաթիվ հարցերին, իսկ հանդիպման ավարտին գրառում կատարեց թանգարանի պատվավոր հյուրերի գրքում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր