ՀՀ գյուղատնտեսության նախարար Իգնատի Առաքելյանի գլխավորած պատվիրակության՝ ԳԴՀ կատարած այցը

21 հունվարի, 2017

ԳԴՀ պարենի և գյուղատնտեսության դաշնային նախարարի հրավերով հունվարի 19-21-ը ՀՀ գյուղատնտեսության նախարար Իգնատի Առաքելյանի գլխավորած պատվիրակությունը Բեռլինում մասնակցեց Պարենի և գյուղատնտեսության համաշխարհային ֆորումին, ինչպես նաև «Կանաչ շաբաթ» միջազգային գյուղատնտեսական ցուցահանդեսի պաշտոնական բացմանը:

Այցի շրջանակներում նախարար Առաքելյանը հանդիպել է ԳԴՀ պարենի և գյուղատնտեսության դաշնային նախարար Քրիստիան Շմիդթի և խորհրդարանական պետքարտուղար Պետեր Բլեզերի հետ:

Նախարար Առաքելյանը երկկողմ հանդիպումներ է ունեցել Վրաստանի և Սլովենիայի գյուղատնտեսության նախարարներ Լևան Դավիդաշվիլիի և Դեյան Ժիդանի հետ, գյուղտեխնիկայի ոլորտում գերմանական առաջատար «Class» ընկերության Արևելյան Եվրոպայի տարածաշրջանային տնօրեն Յ. Շտիգլերի և «Grimme» ընկերության վաճառքի գծով տնօրեն Կ. Գրիմի հետ:

ՀՀ գյուղնախարարը հանդիպել է նաև Գերմանիայի Վայհենշտեֆան–Տրիսդորֆի գյուղատնտեսական համալսարանի միջազգային կառավարման ֆակուլտետի դեկան պրոֆեսոր Յոհաննես Հոլցերի հետ:

Հունվարի 22-ին նախարար Առաքելյանը հանդիպել է ՄԱԿ-ի համաշխարհային պարենի և գյուղատնտեսության կազմակերպության գլխավոր տնօրեն Խոսե Գրացիանո դա Սիլվայի հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր