Գերմանիայում ՀՀ դեսպանությունը մասնակցեց Բեռլինում անցկացվող Ֆրանկոֆոնիայի տոնին

01 ապրիլի, 2017

Ապրիլի 1-ին Բեռլինի Ֆրանսիական կենտրոնում նշվեց Ֆրանկոֆոնիայի տոնը, որին տեղեկատվական առանձին տաղավարով մասնակցեց նաև Գերմանիայում ՀՀ դեսպանությունը: Միջոցառման կազմակերպիչներն էին Գերմանիայում Բելգիայի Թագավորության դեսպանությունը, Բեռլինում Բելգիայի գերմանախոս համայնքի, Վալոնիա-Բրյուսելի և Վալոնիայի դաշնության ներկայացուցչությունները, ինչպես նաև ԳԴՀ Սաարլանդ երկրամասի ներկայացուցչությունը:

Միջոցառմանը ներկա էին Բեռլինում հավատարմագրված «Ֆրանկոֆոն երկրների խմբի» ավելի քան քսան դեսպաններ և այլ դիվանագետներ, ֆրանսերեն լեզվի խորացված ուսուցմամբ դպրոցների և մշակութային հաստատությունների ներկայացուցիչներ:

Տեղեկանք. Ֆրանկոֆոնիայի տոնը Բեռլինի Ֆրանսիական կենտրոնում նշվում է 2003թ-ից: Բեռլինի Սենատը 2017թ․ հայտարարել է ֆրանսերեն լեզվի և ֆրանկոֆոն մշակույթի տարի: Ֆրանսիան նաև ընտրվել է Ֆրանկֆուրտի գրքի միջազգային ցուցահանդեսի այս տարվա պատվավոր հյուր, իսկ ցուցահանդեսը կրելու է «Ֆրանկֆուրտը ֆրանսերենով» խորագիրը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր