Դեսպան Աշոտ Սմբատյանի այցը Գերմանիայի Հյուսիսային Հռենոս և Վեսթֆալիա երկրամաս

12 մայիսի, 2017

Մայիսի 11-ին և 12-ին դեսպան Աշոտ Սմբատյանը Գերմանիայի Մյունսթեռ քաղաքում տեղակայված «Ռենո-Վեսթֆալիա» կորպուսի հրավերով աշխատանքային այցով մեկնեց Հյուսիսային Հռենոս և Վեսթֆալիա երկրամաս, որտեղ Մյունսթեռյան դեսպանների 15-րդ հավաքին հանդես եկավ լայնածավալ ելույթով Հայաստանի արտաքին քաղաքականության վերաբերյալ: Այս տարվա միջոցառումը նվիրված էր Հայաստանին:

Այցի շրջանակներում դեսպանին ընդունեց Մյունսթեռի քաղաքապետը, որտեղ Ա. Սմբատյանը քաղաքի «ոսկե գրքում» կատարեց գրառում: Դեսպանն այնուհետև հանդիպեց Մյունսթեռյան տնտեսվարողների և գործարարների միության, ինչպես նաև Մյունսթեռի Վիլհելմյան համալսարանի ղեկավարության հետ:

Դեսպանն աշխատանքային հանդիպում ունեցավ նաև Գերմանիայի ներքին գործերի դաշնային նախարարությանն առընթեր Սպայական ակադեմիայի փոխնախագահ Մ. Ցայսերի հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր