«Արցախի ձայներ» երգչախմբի համերգային ծրագիրը Գերմանիայում

26 հունիսի, 2017

Հունիսի 22-ից 26-ը ՀՀ դեսպանության հրավերով և գերմանահայոց համայնքային կառույցների աջակցությամբ Գերմանիայում էր գտնվում «Արցախի ձայներ» երգչախումբը` գեղարվեստական ղեկավար Լիրա Քոչարյանի գլխավորությամբ:

Երգչախումբը համերգային ծրագրերով հանդես եկավ Գերմանիայի Քել, Քյոլն և Համբուրգ քաղաքներում: Քելում բացման խոսքով հանդես եկավ ԵԽ-ում ՀՀ մշտական ներկայացուցիչ, դեսպան Պարույր Հովհաննիսյանը, Քյոլնում` Գերմանիայում Հայաստանի դեսպան Աշոտ Սմբատյանը, առաջնորդական փոխանորդ Սերովբե վարդապետ Իսախանյանը, ԳԴՀ-ում ԼՂ մշտական ներկայացուցիչ Հարություն Գրիգորյանը, Քյոլնի հայ համայնքի ղեկավար Մինու Նիկպայը:

«Արցախի ձայներ» երգչախումբն իր բազմաժանր կատարողական արվեստով (ազգային, ժողովրդական, արտասահմանյան) կարողացավ հիացնել հանդիսատեսին և բարձր տրամադրություն պարգևել: Գերմանահայությունը և գերմանացի հանդիսատեսը շատ ջերմ և ոգևորությամբ ընդունեցին երգչախմբի կատարումները:

Այս համերգային ծրագիրը ևս մի կարևոր միջոց էր հայկական հարուստ պատմական ժառանգությունը երաժշտության լեզվով ներկայացնելու, Արցախի շունչն ու ոգին լայն հասարակայնությանը հասցնելու համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր