Ընդունելություն դեսպանությունում

14 հոկտեմբերի, 2017

Հոկտեմբերի 14-ին` քաղաքամայր Երևանի 2799-ամյակի օրը, ԳԴՀ-ում ՀՀ դեսպան Աշոտ Սմբատյանն ընդունեց Բեռլինում գործող երեք հայկական շաբաթօրյա դպրոցների սաներին, նրանց ծնողներին և ուսուցիչներին:

Իր և ԳԴՀ-ում Արցախի Հանրապետության մշտական ներկայացուցիչ Հարություն Գրիգորյանի անունից ողջունելով ներկաներին` դեսպան Ա. Սմբատյանն ընդգծեց հայապահպանության գործում դպրոցների ունեցած մեծ դերը:

ՀԵՄԱ հ/կ-ի նախագահ Միքայել Մինասյանն իր խոսքում շնորհակալություն հայտնեց ընդունելության համար, ներկայացրեց ՀԵՄԱ-ի հայկական դպրոցի հիմնադրման պատմությունը և կարևորեց սփյուռքում հայկական դպրոցների գործունեության նշանակությունը:

Հայկական դպրոցների սաները միջոցառման ընթացքում կատարեցին Հայաստանի Հանրապետության հիմնը, Էրեբունի-Երևան երգը: Աշակերտները ներկաների համար նախապատրաստել էին նաև հանդես:

Միջոցառման վերջում դեսպան Ա. Սմբատյանը հայկական դպրոցների լավագույն սաներին հուշանվերներ հանձնեց:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր