Հայաստանին նվիրված ցուցահանդեսի բացում Մյունխենում

18 հունվարի, 2018

Հունվարի 18-ին ԳԴՀ Բավարիա երկրամասի մայրաքաղաքում` Բավարիայի արվեստի խրախուսման միությունում, կայացել է «Կոկորդիլոսը Արարատում. Մի ճամփորդության պատմություն» խորագրով ցուցահանդեսի բացման արարողությունը, որը նախաձեռնվել և կազմակերպվել է գերմանահայ ֆոտոլրագրող Էռոլ Գուրյանի կողմից: Ցուցահանդեսը պատմում է Էռոլ Գուրյանի և մի շարք գերմանացի արվեստագետների` 2015թ. Հայաստան կատարած այցի և նրանց տպավորությունների, հայ ժողովրդի պատմության և մշակույթի մասին: Միջոցառման անցկացմանն աջակցել է երկրամասի Տնտեսության, մամուլի, էներգետիկայի և տեխնոլոգիաների պետական նախարարությունը:

Բացման արարողության ողջույնի խոսքով հանդես են եկել Բավարիայի արվեստի խրախուսման միության գործադիր տնօրեն պրոֆ. Թոմաս Ռաֆֆը և Գերմանիայում ՀՀ դեսպանության ներկայացուցիչը, ով միջոցառման մասնակիցներին հղել է ՀՀ դեսպան Աշոտ Սմբատյանի ուղերձը: Շնորհակալություն հայտնելով նախագծի բոլոր աջակիցներին` ՀՀ դեսպանն իր ողերձում բարձր է գնահատել հայկական մշակույթը Գերմանիայում ներկայացնելուն ուղղված նմանօրինակ նախաձեռնությունները` ընդգծելով, որ դրանք լավ հնարավորություն են ընձեռնում գերմանական հասարակությանը հաղորդակից դառնալու հայ ժողովրդի հարուստ պատմամշակութային ժառանգությունը:

Հայաստանին նվիրված ցուցահանդեսը շարունակվելու է մինչև փետրվարի 24-ը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր