Հայկական մշակութային օրեր Բադեն-Վյուրթեմբերգ երկրամասում

28 հոկտեմբերի, 2018

Հոկտեմբերի 25-ից հոկտեմբերի 28-ը Գերմանիայի Բադեն-Վյուրթեմբերգ երկրամասում անցկացվեցին արդեն ավանդույթ դարձած ամենամյա հայկական մշակութային օրերը:

 «Հայ Մշակույթի Օրեր Շտուտգարտում» փառատոոնը կազմակերպվում է Բադեն-Վյուրթեմբերգի հայ համայնքի կողմից։

Ծրագիրը հագեցած էր վավերագրական ֆիլմերի ցուցադրությամբ, գրքերի շնորհանդեսով, համերգներով, գրական երեկոյով և այլ միջոցառումներով:

 Մշակութային օրերի ավարտական գալա համերգին կատարումներով հանդես եկավ Հայլբրոնի Վյուրթեմբերգյան կամերային նվագախումբը` դիրիժոր Ռուբեն Ղազարյանի ղեկավարությամբ: Մենակատարներն էին թավջութակահար Սուրեն Բագրատունին և ջութակահար Էմանուել Ճգնավորյանը: Համերգին ներկա էր նաև մաեստրո Լորիս Ճգնավորյանը, ում ստեղծագործությունները ևս ներկայացվեցին հանդիսատեսին:

 Իր ողջույնի խոսքում Գերմանիայում Հայաստանի դեսպան Աշոտ Սմբատյանը կարևորեց հայկական մշակութային օրերի անցկացումը` բարձր գնահատելով մշակույթի դերը երկու ժողովուրդների միջև կապերի ամրապնդման գործում: Համերգի ավարտին դեսպան Սմբատյանը Ռուբեն Ղազարյանին հանձնեց ՀՀ մշակույթի նախարարության «Ոսկե մեդալը»:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր