Դեսպան Աշոտ Սմբատյանի ելույթը Բեռլինի հիշողության եկեղեցում

11 դեկտեմբերի, 2018

Դեկտեմբերի 11-ին Բեռլինի խորհրդանիշ դարձած կայսր Վիլհելմի հիշողության եկեղեցում գերմանական Շվարցկոպֆ հիմնադրամը Եվրոպական երիտասարդական խորհրդարանի հետ միասին կազմակերպել էր Ծննդյան տոներին նվիրված համերգ: Միջոցառման գլխավոր հյուրը Գերմանայի Դաշնային Հանրապետությունում Հայաստանի Հանրապետության դեսպան Աշոտ Սմբատյանն էր:

Շվարցկոպֆ հիմնադրամի նախագահ Անդրե Շմից-Շվարցկոպֆը (André Schmitz Schwarzkopf) հանդես եկավ բացման խոսքով, որում անդրադարձավ նաև հայաստանյան իրադարձություններին և վերջին օրերին տեղի ունեցած խորհրդարանական ընտրություններին: Նա մասնավորապես նշեց, որ այս ընտրություններով հայ ժողովուրդն ապացուցեց, որ լիովին կիսում է եվրոպական արժեհամակարգը:

Դեսպանն իր ելույթում անդրադարձավ այսօրվա աշխարհում երիտասարդության դերին և պատասխանատվությանը, ինչպես նաև հայաստանյան իրադարձություններին հայ երիտասարդության կարևոր դերակատարությանը:

Իր խոսքում Աշոտ Սմբատյանը կարևորեց հայ ժողովրդի պատմության մեջ եկեղեցու դերը` ընդգծելով, որ Հայաստանն առաջին պետությունն էր, որ քրիստոնեությունն ընդունեց որպես պետական կրոն և քրիստոնեական արժեքները մեծ դեր են խաղում հայ ժողովրդի և Հայաստանի կյանքում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր