ԳԴՀ Հալլեի Էլիզաբեթ գիմնազիայի և վերջինիս փոխանակման ծրագրով ժամանած Երևանի պետական հումանիտար քոլեջի աշակերտների ընդունելություն ՀՀ դեսպանությունում

13 մայիսի, 2019

Մայիսի 13-ին ԳԴՀ-ում ՀՀ դեսպան Աշոտ Սմբատյանը հյուրընկալեց Գերմանիայի Սաքսոնիա-Անհալթ երկրամասի Հալլե քաղաքում գտնվող Էլիզաբեթ գիմնազիայի և Երևանի պետական հումանիտար քոլեջի շուրջ 20 աշակերտների և հայկական և գերմանական կողմերից ծրագրի համակարգողներին: Աշակերտները Գերմանիա էին ժամանել Էլիզաբեթ գիմնազիայի հետ աշակերտական փոխանակման ծրագրի շրջանակներում:

Ողջունելով հյուրերին՝ դեսպանը կարևորեց ԳԴՀ Սաքսոնիա-Անհալթ երկրամասի և Հայաստանի միջև հաստատված ապակենտրոնացված համագործակցությունը և ընդգծեց, որ փոխգործակցության հետագա ակտիվացման համար առկա է մեծ ներուժ, որն անհրաժեշտ է իրացնել տարբեր ծրագրերի միջոցով:

Շնորհակալություն հայտնելով փոխանակման ծրագրի իրականացման հարցում ԳԴՀ-ում ՀՀ դեսպանության ունեցած ներդրման համար՝ հյուրերը ներկայացրին երկշաբաթյա այցի շրջանակներում նախատեսվող ծրագրի մանրամասներ:

Երկուստեք գոհունակությամբ արձանագրվեց, որ փոխանակման ծրագիրը, որի առաջին փուլը տեղի էր ունեցել նախորդ տարի, արդեն կրում է շարունակական բնույթ: Զրուցակիցները մանրակրկիտ քննարկեցին երկկողմ համագործակցության խորացման ուղղությամբ ձեռնարկվելիք քայլերը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր