«Նոյքյոլն - հայկական» մշակութային օրերի բացման արարողություն Բեռլին - ԳԴՀ-ում Հայաստանի Հանրապետության դեսպանություն

«Նոյքյոլն - հայկական» մշակութային օրերի բացման արարողություն Բեռլին

23 հունվարի, 2020

Հունվարի 23-ին Բեռլինի Նոյքյոլն շրջանի «Genezareth» միջմշակութային կենտրոնում տեղի ունեցավ «Նոյքյոլն - հայկական» մշակութային օրերի բացման հանդիսավոր արարողությունը։

Բացման խոսքով հանդես եկան Բեռլինի Նոյքյոլն շրջանի ավետարանական եկեղեցական համայնքի ղեկավար դր. Քրիստիան Նոթմայերը (Christian Nottmeier), միջմշակութային երկխոսության պատասխանատու քահանաներ դր. Անդրեաս Գյոթցեն և դր. Ռայնհարթ Քեեսը (Rheinhard Kees) և ԳԴՀ-ում ՀՀ դեսպան Աշոտ Սմբատյանը։ Վերջինս, բարձր գնահատատելով «Գենեցարեթ» կենտրոնի նախաձեռնությունը` ընդգծեց, որ մշակույթը սահմաններ չի ճանաչում կամուրջներ կառուցելու լավագույն հարթակներից մեկն է։

Երեկոյի ընթացքում «Հայաստանն այսօր» թեմայով զեկույցով հանդես եկավ դեսպանության 3-րդ քարտուղար Լուսինե Սարգսյանը՝ ներկայացնելով Հայաստանի մշակույթը ու գիտակրթական ներուժը՝ անդրադարձ կատարելով նաև արտաքին քաղաքականությունը:

«Նոյքյոլն - հայկական» մշակութային օրերի շրջանակներում, որոնք կշարունակվեն մինչև մայիսի 28, նախատեսվում են մի շարք միջոցառումներ՝ բեռլինյան հայ համայնքների և համայնքային այլ կառույցների ու կիրակնօրյա հայկական դպրոցների հետ համատեղ, այդ թվում՝ ցուցահանդեսներ, համերգներ, էկումենիկ արարողություններ, բանախոսություններ և այլն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր