Տեսակոնֆերանս Գյումրի և Հալլե քաղաքների միջև գործընկերության հաստատմանն ընդառաջ

29 հունիսի, 2020

Հունիսի 29-ին տեղի ունեցավ տեսակոնֆերանս՝ Գյումրի և Հալլե քաղաքների միջև քաղաքային գործընկերության հաստատմանն ընդառաջ: Քննարկմանը մասնակցում էին Գյումրու քաղաքապետ Սամվել Բալասանյանը, Հալլեի քաղաքապետ Բերնդ Վիգանդը, ԳԴՀ-ում ՀՀ դեսպան Աշոտ Սմբատյանը, ՀՀ-ում Գերմանիայի դեսպան Միխայել Բանցհաֆը, Գյումրի քաղաքում Գերմանիայի պատվավոր հյուպատոս Ալեքսան Տեր-Մինասյանը և երկկողմ գործընկերության հարցերով համապատասխան ստորաբաժանումների աշխատակիցները:

Կողմերն ընդգծեցին Գյումրի-Հալլե գործընկերության հաստատման նախաձեռնության կարևորությունը՝ երկուստեք բարձր գնահատելով քաղաքների միջև համագործակցության հուշագրում նախանշվող քայլերը:

Պայմանավորվածություն ձեռք բերվեց, որ, Հալլեի քաղաքային խորհրդի կողմից գործընկերության հաստատման վերաբերյալ կայացրած դրական որոշման հիման վրա, կմշակվեն տեսակոնֆերանսի ընթացքում քննարկված գործնական քայլերը, որոնք սեղմ ժամկետներում կներկայացվեն Գյումրիի քաղաքապետարան՝ վերամշակման, այնուհետև՝ երկու կողմերի հաստատմանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր