ԳԴՀ-ում ՀՀ դեսպան Աշոտ Սմբատյանի այցը Համբուրգ

11 սեպտեմբերի, 2020

Սեպտեմբերի 11-ին ԳԴՀ-ում ՀՀ դեսպան Աշոտ Սմբատյանն աշխատանքային այցով Համբուրգ քաղաք-երկրամասում էր։

Այցի ընթացքում դեսպանին ուղեկցում էր Համբուրգում ՀՀ պատվավոր հյուպատոս Հայկո Հեխթը (Heiko Hecht)։

Դեսպանին ընդունեց Համբուրգի խորհրդարանի փոխնախագահ Ֆրանկ Շմիթը (Frank Schmitt)։

Կարևորելով երկկողմ հանդիպումների հաճախակի իրականացումը` զրուցակիցներն անդրադարձան հատկապես միջխորհրդարանական հարաբերությունների զարգացման հեռանկարներին։ Երկուստեք արձանագրվեց առկա պոտենցիալի լավագույնս օգտագործելու կարևորությունը։Հանդիպման ավարտին ՀՀ դեսպանը գրառում կատարեց խորհրդարանի պատվավոր հյուրերի գրքում։

Այնուհետև դեսպանը հանդիպում ունեցավ ԴԵԶԻ (Deutsches Elektronen-Synchrotron, DESY) գիտահետազոտական ինստիտուտի նախագահության հետ։ Քննարկվեցին Հայաստանի հետ տասնամյակներ շարունակ հաջողությամբ իրականացվող համագործակցության հետագա խորացման և ընդլայնման հնարավոր ծրագրերը, հատկապես, առաջիկայում արհեստական բանականության և ֆիզիկայի ոլորտներում համատեղ ծրագրերի կյանքի կոչմանն ուղղված քայլերը։Հանդիպման ավարտին ՀՀ դեսպանը գրառում կատարեց ինստիտուտի պատվավոր հյուրերի գրքում։

Նույն օրը դեսպան Սմբատյանը հանդիպում ունեցավ Համբուրգի հայ համայնքի ղեկավար Սերժ Անգելյանի և փոխնախագահ Գարաբետ Բարմաքսիցյանի հետ։ Քննարկվեցին փոխգործակցության հետագա նախագծերը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր