«Հայաստանում զբոսաշրջային ենթակառուցվածքների զարգացում» խորագրով համաժողով

23 մարտի, 2021

Մարտի 23-ին մեկնարկեց «Թվային տեղեկատվական ճանապարհորդություն. Հայաստանում զբոսաշրջային ենթակառուցվածքների զարգացում» խորագրով եռօրյա առցանց համաժողովը, որը կազմակերպվել էր ԳԴՀ տնտեսության և էներգետիկայի նախարարության (BMWi), Գերմանիայի տնտեսության Արևելյան հանձնաժողով – Արևելյան Եվրոպա միության, Հայաստանում գերմանական տնտեսական միավորում կազմակերպության և Commit ընկերության նախաձեռնությամբ:

Ողջույնի խոսքով հանդես եկան BMWi-ի տարածաշրջանային պատասխանատու Մարգիտ Շտեֆֆելը, Գերմանիայի տնտեսության Արևելյան հանձնաժողով – Արևելյան Եվրոպա միության Արևելյան Եվրոպայի տարածաշրջանային տնօրեն Շտեֆան Քեգեբայնը և ԳԴՀ-ում ՀՀ դեսպան Աշոտ Սմբատյանը: Վերջինս իր խոսքում անդրադարձավ Հայաստանի զբոսաշրջային գրավչությանը և ոլորտի զարգացման հեռանկարներին՝ կարևորելով, ի թիվս այլոց, միջազգային գործընկերների ունեցած զգալի ներդրումն այս բնագավառում:

Ելույթներով հանդես եկան Երևանում ԳԴՀ դեսպանության, ՀՀ Զբոսաշրջության պետական կոմիտեի, Հայաստանի հյուրանոցային միության, «EU4Business» ծրագրի գերմանական կողմի, «Biblische Reisen» գերմանական ճամփորդական ընկերության և մի շարք այլ կառույցների ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր