Հայոց ցեղասպանության 106-րդ տարելիցին նվիրված արարողություն Գերմանիայի Լայպցիգ քաղաքում

19 ապրիլի, 2021

Ապրիլի 19-ին Գերմանիայի Լայպցիգ քաղաքի Սուրբ Նիկողայոս կենտրոնական եկեղեցում տեղի ունեցավ հիշատակի արարողություն` նվիրված Հայոց ցեղասպանության 106-րդ տարելիցին։

Միջոցառման ընթացքում ներկաներին ողջունեց Լայպցիգի քաղաքապետարանի Միջազգային համագործակցության վարչության պետ Գաբրիելե Գոլդֆուսը, Սուրբ Նիկողայոս եկեղեցու հոգևոր հովիվ Բերնհարդ Շտիֆը և Լայպցիգի հայկական մշակութային միության նախագահ Անահիտ Բաբայանը։

Ելույթով հանդես եկավ ԳԴՀ-ում ՀՀ դեսպան Աշոտ Սմբատյանը, ով իր խոսքում անդրադարձավ նաև Թուրքիայի հակահայ քաղաքականության շարունակականությանն անգամ 106 տարի անց` նախորդ տարի Լեռնային Ղարաբաղի դեմ Ադրբեջանի սանձազերծած պատերազմի ընթացքում։

Կոմիտասի և Նարեկացու կատարումներով հանդես եկավ Դրեզդենի Զեմփերօպերի մենակատար Հրաչուհի Բասենցը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր