«ars musica» երգչախմբի համերգը Հալլե քաղաքում

18 հուլիսի, 2021

Հուլիսի 18-ին Գերմանիայի Թյուրինգիա երկրամասի «ars musica» տղամարդկանց երգչախումբը Հալլե քաղաքի Մայր Տաճարում հանդես եկավ իր հայաստանյան համերգաշարի մեկնարկային համերգով։

Երգչախումբը հանդիսատեսին մատուցեց Կոմիտասի, Եկմալյանի, Բեթհովենի, Յանչակի և Մենդելսոն-Բարթոլդիի ստեղծագործությունները։

Համերգին ողջույնի խոսքով հանդես եկան ՀՀ դեսպան Աշոտ Սմբատյանը և Հալլեի մշակույթի գծով քաղաքապետ դր. Յ. Մարքվարդթը։ Ներկա էին երկրամասի խորհրդարանի պատգամավորներ, երկրամասի լուսավորության նախարար Մ. Թուլները և ՀՀ պատվավոր հյուպատոս պրոֆ. Լ. Ֆլյոթերը։

Իր խոսքում ՀՀ դեսպանը նշեց, որ մշակույթի միջոցով կառուցված կամուրջներն ամենաամուրն են. «Գրեթե 30 տարի է, ինչ «ars musica» երգչախումբը մշակույթի միջոցով նաև Հայաստանում իրագործում է բարեգործական ծրագրեր։

Պատահական չէ, որ հայաստանյան համերգաշարը մեկնարկեց հենց Հալլե քաղաքում և կավարտվի Գյումրիում, քանի որ #Հալլե և #Գյումրի քաղաքները արդեն իսկ ստորագրել են գործընկերության համաձայնագիր»։

Այսօրվա համերգի հասույթով ձեռք է բերվելու տավիղ Գյումրիի կոնսերվատորիայի համար, որը երաժիշտները վերջինիս կփոխանցեն իրենց օգոստոսյան այցելության ժամանակ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր