Երևան և Լայպցիգ քաղաքների միջև համագործակցության հաստատման հուշագրի ստորագրում

13 սեպտեմբերի, 2021

Սեպտեմբերի 13-ին Լայպցիգի քաղաքապետարանի հանդիսությունների սրահում տեղի ունեցավ Երևան և Լայպցիգ քաղաքների միջև համագործակցության հաստատման հուշագրի ստորագրման հանդիսավոր արարողությունը։

Միջոցառմանն առցանց ձևաչափով մասնակցեց նաև Երևանի քաղաքապետի գլխավորած պատվիրակությունը։

Ելույթներով հանդես եկան Լայպցիգի և Երևանի քաղաքապետեր Բուրկհարդ Յունգը և Հայկ Մարությանը։

Ողջույնի խոսքով հանդես եկավ ԳԴՀ-ում ՀՀ դեսպան Աշոտ Սմբատյանը։ Իր ելույթում դեսպանը կարևորեց, որ այս փաստաթուղթը հնարավորություն կընձեռի երկու քաղաքներին տնտեսական, գիտական, մշակութային ու քաղաքականոլորտներում համագործակցության նոր եզրեր գտնել, ինչը կծառայի երկու ժողովուրդներիմիջև բարեկամության և փոխըմբռնման ամրապնդմանը։

Միջոցառման շրջանակներում տրվեց նաև Սաքսոնիա երկրամասում ՀՀ պատվավոր հյուպատոսի (նստավայրը` Լայպցիգ) պաշտոնավարման պաշտոնական մեկնարկը։

Պատվավոր հյուպատոս պրոֆ. Լուկաս Ֆլյոթերն իր հերթին նշեց, որ ամեն ջանք կգործադրի Երևան և Լայպցիգ քաղաքների միջև բարեկամական կապերի զարգացման համար։

Բախի, Կոմիտասի և Ռախմանինովի կատարումներով հանդես եկավ հռչակավոր թավջութակահար Միքայել Հախնազարյանը։

Պատվավոր հյուրերի թվում էր Կոմիտասի թանգարան-ինստիտուտի տնօրեն Նիկոլայ Կոստանդյանը և Լայպցիգում գտնվող Բախ-արխիվ հիմնադրամի նախագահ Միխայել Մաուլը։ Ներկա էին նաև Լայպցիգում հավատարմագրված դիվանագիտական կորպուսի ներկայացուցիչներ, քաղաքային խորհրդի բարձրաստիճան պաշտոնյաներ, Սաքսոնիա երկրամասի գիտամշակութային ոլորտի և Լայպցիգի հայ համայնքի ներկայացուցիչներ և այլք։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր