ՀՀ դեսպանի աշխատանքային այցը Սաքսոնիա-Անհալթ երկրամաս

15 սեպտեմբերի, 2021

Սեպտեմբերի 15-ին ԳԴՀ-ում ՀՀ դեսպան Աշոտ Սմբատյանի գլխավորած պատվիրակությունը (երկրամասում ՀՀ պատվավոր հյուպատոս Միխաել Շմիդթ, դեսպանության 2-րդ քարտուղար Աննա Ավետիսյան) հյուրընկալվեց Սաքսոնիա-Անհալթ երկրամասի խորհրդարանում՝ Լանդթագում։

Լանդթագի նախագահ դր. Գուննար Շելլենբերգերն առանձնազրույցի ընթացքում կարևորեց խորհրդարանական դիվանագիտությունը, ինչպես նաև Հայաստանի և Սաքսոնիա-Անհալթ երկրամասի միջև ավանդական դարձած գիտական, մշակութային, կրթական և տնտեսական կապերը:

Իր հերթին ՀՀ դեսպանը կրկին շնորհավորեց դր. Շելլենբերգերին բարձր պաշտոնում ընտրվելու կապակցությամբ՝ մաղթելով նորանոր հաջողություններ:

ՀՀ դեսպանը նաև գրառում կատարեց Սաքսոնիա-Անհալթ երկրամասի Լանդթագի պատվավոր հյուրերի գրքում:

Նույն օրը ՀՀ դեսպանին ընդունեց նաև Սաքսոնիա-Անհալթ երկրամասի տնտեսության, գիտության և թվայնացման հարցերով նախարար պրոֆ. դր. Արմին Վիլլինգմանը:

Զրուցակիցներն անրադարձան երկկողմ գիտակրթական ակտիվ կապերի հետագա խորացման հեռանկարներին:

Հայաստանի և Սաքսոնիա-Անհալթ երկրամասի միջև երկարամյա արդյունավետ համագործակցության, հետազոտությունների և գիտակրթական ոլորտներում ցուցաբերած լայն աջակցության համար նախարար Վիլլինգմանը ՀՀ դեսպան Աշոտ Սմբատյանին Սաքսոնիա-Անհալթ երկրամասի կառավարության անունից պարգևատրեց շնորհակալագրով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր