ՀՀ դեսպան Վիկտոր Ենգիբարյանի հանդիպումը Քյոլնի քաղաքապետ տիկին Հենրիետե Ռեքերի հետ

20 հունվարի, 2022

Այսօր, հունվարի 20-ին ՀՀ դեսպան Վիկտոր Ենգիբարյանի գլխավորած պատվիրակությունն աշխատանքային այցով ժամանեց Քյոլն քաղաք: Այցի ընթացքում դեսպանին ընդունեց Քյոլնի քաղաքապետ տիկին Հենրիետե Ռեքերը (Henriette Reker): Հանդիպմանը զրուցակիցներն անդրադարձան երկկողմ համագործակցության զարգացմանն առնչվող հարցերին, ընդգծեցին փոխգործակցությունն ընդլայնելու ուղղությամբ աշխատանքների շարունակման անհրաժեշտությունը, կարևորեցին Գերմանիայի ամենախոշոր հայկական համայնքն ունեցող Քյոլն քաղաքի և Հայաստանի միջև տարբեր ոլորտներում փոխգործակցության առավել ակտիվացման հնարավորությունները:

Քաղաքապետ Հ․ Ռեքերը ջերմությամբ հիշատակեց ՀՀ վարչապետ Ն․ Փաշինյանի հետ ունեցած հանդիպումը 2019թ․ Քյոլն կատարած այցի շրջանակներում։

Կարևորելով Գերմանահայոց առաջնորդարանի, հայ համայնքի դերը քաղաքի հասարակական և մշակութային կյանքում, կողմերը պայմանավորվածություն ձեռք բերեցին առավել զարգացնել գիտակրթական, տնտեսական, մշակութային փոխգործակցությունը։

ՀՀ դեսպանը գրառում կատարեց քաղաքապետարանի պատվո հյուրերի գրքում, այնուհետև շրջայց կատարեց և ծանոթացավ քաղաքապետարանի պատմամշակութային ժառանգությանն ու ավանդույթներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր