Դեսպանի հանդիպումները Քյոլնի հայ համայնքի ներկայացուցիչների հետ

24 հունվարի, 2022

Քյոլն քաղաք կատարած աշխատանքային այցի շրջանակում ՀՀ դեսպան Վիկտոր Ենգիբարյանը հանդիպում է ունեցել Հայ Առաքելական եկեղեցու Գերմանահայոց թեմի առաջնորդ Գերաշնորհ Տ․ Սերովբե եպիսկոպոս Իսախանյանի, Թեմական խորհրդի և Քյոլնի հայ համայնքի Վարչության անդամների հետ։ Հանդիպման ընթացքում քննարկվել են դեսպանության և համայնքի միջև համագործակցության հարցերի լայն շրջանակ, ձեռք բերվել պայմանավորվածություն համատեղ ծրագրերի մշակման և անցկացման մասին։

Հունվարի 23-ին, Քյոլնի Սբ. Սահակ-Սբ. Մեսրոպ Առաջնորդանիստ Հայ առաքելական եկեղեցում տեղի ունեցավ Սբ․ պատարագ, որին հաջորդեց ՀՀ դեսպանի հանդիպումը համայնքի ներկայացուցիչների հետ։ ՀՀ դեսպանը հանդես եկավ ելույթով՝ ընդգծելով համայնքի միասնականության կարևորությունը և հայտնեց դեսպանության պատրաստակամությունն՝ ուղղված համատեղ ջանքերի միջոցով ծրագրերի իրագործմանը։ ՀՀ դեսպանը պատասխանեց համայնքի ներկայացուցիչների կողմից հնչեցված հարցերին։

Հաջորդիվ դեսպանի ղեկավարած պատվիրակությունը հանդիպեց Գերմանահայոց կենտրոնական խորհրդի վարչության և Հայ գործարարների միության ներկայացուցիչների հետ, անդրադարձ է կատարվել Հայաստանում և տարածաշրջանում արդի քաղաքական իրադարձություններին, համայնք-դեսպանություն փոխգործակցությանը, համայնքային խնդիրներին և նախանշվել համատեղ հետագա ծրագրերի շրջանակը։

ՀՀ դեսպանի Քյոլն կատարած աշխատանքային այցի շրջանակներում հյուպատոսական բաժնի կողմից հյուպատոսական ծառայություններ են մատուցվել Հյուսիսային Հռենոս-Վեստֆալիա երկրամասի ՀՀ քաղաքացիներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր