Դեսպանի այցը Սաքսոնիա-Անհալթ երկրամաս

01 փետրվարի, 2022

ԳԴՀ-ում ՀՀ դեսպան Վիկտոր Ենգիբարյանը ս.թ. հունվարի 28-31-ը այց կատարեց Գերմանիայի Սաքսոնիա-Անհալթ երկրամաս: Այցի շրջանակներում դեսպան Վիկտոր Ենգիբարյանը՝ պատվավոր հյուպատոս Միքայել Շմիդտի ուղեկցությամբ, հանդիպեց Բուրգենլանդկրայզի (երկրամասի շրջան) ղեկավար պարոն Ուլրիխ Գյոտցի հետ: Մեմբլենի միջնադարյան եկեղեցու տարածքում չափազանց տպավորիչ շրջայցից հետո քննարկեց տարածքային համագործակցության թեման: Դեսպանն այցելեց նաև «Նեմբրա» տապան և Նեմբրայի երկնապատկերի (Nebra sky disc, Himmelsscheibe von Nebra) հայտնաբերման վայր:

Դեսպան Վիկտոր Ենգիբարյանը հանդիպում ունեցավ նաև Նաումբուրգի քաղաքապետ Արմին Մյուլլերի հետ: ՅՈՒՆԵՍԿՕ-ի համաշխարհային ժառանգության ցանկում ընդգրկված Նաումբուրգյան Դոմում հիմնադրամի ղեկավար դոկտոր Քունդեի ուղեկցությամբ շրջագայությունից հետո քննարկվեց համայնքային մակարդակում համագործակցության հարցեր: Մինչ այդ, դեսպան Ենգիբարյանը մասնակցեց պատարագին և հանդես եկավ ողջույնի խոսքով՝ ներկայացնելով Կոմիտաս Վարդապետին:

Այցի շրջանակներում դեսպան Վիկտոր Ենգիբարյանը պատվավոր հյուպատոսներ Միխայել Շմիդտի և Լուկաս Ֆլյոթերի ուղեկցությամբ հանդիպեց Մարտին Լյութերի անվան Հալլե-Վիթթենբերգ համալսարանի ռեկտոր պրոֆեսոր Քրիստիան Տիտյեին: Հանդիպման ընթացքում զրուցակիցներն անդրադարձան հայ-գերմանական միջբուհական համագործակցության և կրթության և գիտության ոլորտում հետագա փոխգործակցության ընդլայնման հարցերին:

Սաքսոնիա-Անհալթ երկրամաս կատարած այցի ընթացքում դեսպանը հանդիպում է ունեցել նաև Սաքսոնիա-Անհալտ երկրամասի խորհրդարանի նախագահ դոկտոր Գուննար Շելլենբերգերի, պետնախարար և մշակույթի նախարար Ռայներ Ռոբրայի հետ: Հանդիպման վերաբերյալ տեղեկատվությանը կարող եք ծանոթանալ հետևյալ հղումով՝ https://germany.mfa.am/hy/news/2022/01/28/BesuchLandtagSachsen-Anhalt/9891 :

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր