Դեսպանի հանդիպումը Կարլսրուհեի քաղաքապետ դր. Ֆրանկ Մենտրուպի հետ

22 ապրիլի, 2022

Ս.թ. ապրիլի 21-ին Կարլսրուհե կատարած աշխատանքային այցի շրջանակներում ԳԴՀ-ում ՀՀ դեսպան Վիկտոր Ենգիբարյանին հյուրընկալեց Կարլսրուհեի քաղաքապետ դր. Ֆրանկ Մենտրուպը։ Վերջինս ներկայացրեց Կարլսրուհե քաղաքի պատմությունը, մշակույթը, նորարարությունները։

Դեսպանը գրառում կատարեց քաղաքի ոսկե գրքում, որին հետևեց ընդունելություն: Դեսպանը և քաղաքապետը հանդես եկան ելույթներով։ Իր ելույթում դեսպանը շնորհակալություն հայտնեց քաղաքապետին լավ ընդունելության համար և հրավիրեց այցելել Հայաստան։

Հանդիպման ընթացքում կողմերը քննարկեցին նաև Հայաստանի և Գերմանիայի միջև ապակենտրոնացած համագործակցությանը վերաբերող հարցեր։ Փոխադարձ հետաքրքրությունը մեծ է' համագործակցելու մշակույթի, բարձր տեխնոլոգիաների, արվեստի և սպորտի բնագավառներում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր