Հայոց ցեղասպանության 107-րդ տարելիցին նվիրված հիշատակի արարողություն

25 ապրիլի, 2022

Ս.թ. ապրիլի 24-ին Ֆրանկֆուրտի Սբ. Պողոս եկեղեցում (Paulskirche) տեղի ունեցավ Օսմանյան կայսրությունում Հայոց ցեղասպանության 107-րդ տարելիցին նվիրված հիշատակի արարողություն, որը կազմակերպվել էր Հայաստանյայց առաքելական եկեղեցու Գերմանիայի հայոց թեմի, Գերմանահայոց կենտրոնական խորհրդի և Գերմանիայում ՀՀ դեսպանության կողմից:

Միջոցառմանը ողջույնի խոսքով հանդես եկան ԳԴՀ Հեսսեն երկրամասի Լանդթագի փոխնախագահ Կարին Մյուլլերը, Ֆրանկֆուրտ քաղաքի գանձապահ դր. Բաստիան Բերգերհոֆը, ինչպես նաև Գերմանահայոց կենտրոնական խորհրդի վարչության անդամ Անի Սմիթ-Դագեսյանը։

Հիշատակի արարողությանը ելույթ ունեցավ նաև Գերմանիայում Հայաստանի դեսպան Վիկտոր Ենգիբարյանը:

ՀՀ դեսպանն իր ելույթում կարևորեց 2016թ. հունիսի 2-ին Բունդեսթագի կողմից Հայոց ցեղասպանության ճանաչման մասին բանաձևի ընդունումը, որով Գերմանիան իր ավանդը բերեց մարդկության դեմ այդօրինակ հանցագործությունների ճանաչման ու կանխարգելման միջազգային գործընթացին: Դեսպան Ենգիբարյանն անդրադարձավ ցեղասպանությունների կանխարգելման միջազգային օրակարգի առաջմղմանն ուղղված Հայաստանի կողմից իրականացվող հետևողական աշխատանքին:

Հայոց ցեղասպանության հիշատակի դասախոսությամբ հանդես եկավ շվեյցարացի պատմաբան պրոֆ. դր. Հանս-Լուկաս Կիզերը:

Արարողության ավարտին Հայ առաքելական եկեղեցու Գերմանահայոց թեմի առաջնորդ Գերաշնորհ Տ․ Սերովբե եպիսկոպոս Իսախանյանի գլխավորությամբ հնչեցվեց բարեխոսական աղոթք:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր