Հայաստանի և Գերմանիայի միջև դիվանագիտական հարաբերությունների հաստատման 30-ամյակի կապակցությամբ Հովեր պետական կամերային երգչախմբի անկրկնելի համերգը

01 օգոստոսի, 2022

Հուլիսի 29-ին ՀՀ կրթության, մշակույթի, գիտության և սպորտի նախարարության և Բավարիայի գիտության և արվեստի պետնախարարության հովանու ներքո Մյունխենում տեղի ունեցավ «Կամերային երաժշտության ազգային կենտրոն» ՊՈԱԿ-ի «Հովեր» պետական կամերային երգչախմբի համերգը՝ նվիրված ԳԴՀ և ՀՀ միջև դիվանագիտական հարաբերությունների հաստատման 30-ամյակին: Այս տարի լրանում է նաև «Հովեր» երգչախմբի գործունեության 30-ամյակը: Միջոցառման նախաձեռնողը և իրականացնողը EUROPAMUSICALE եվրոպական մշակութային հիմնադրամն էր՝ Բավարիա երկրամասում ՀՀ պատվավոր հյուպատոս դր. Քրիստինե Զասսեի աջակցությամբ:

Երեկոյի ընթացքում ելույթով հանդես եկավ նաև ԳԴՀ-ում ՀՀ դեսպան Վիկտոր Ենգիբարյանը: Վերջինս, անդրադառնալով ԳԴՀ և ՀՀ միջև դիվանագիտական հարաբերությունների հաստատման 30-ամյակին, նշեց, որ Գերմանիան և Հայաստանը հուսալի և վստահելի գործընկերներ են, որոնց հարաբերությունները հիմնված են ընդհանուր արժեքների վրա, ինչպիսիք են՝ ժողովրդավարությունը, խաղաղությունը, արժանապատվությունն ու ժողովուրդների ազատ ինքնորոշումը, ազատ շուկայական տնտեսությունը։

ԳԴՀ-ՀՀ միջև դիվանագիտական հարաբերությունների 30-ամյակի խորհրդին նվիրված ելույթով հանդես եկավ նաև ԳԴՀ Բունդեսթագի նախկին փոխնախագահ Յոհաննես Զինգհամմերը:

Ողջույնի խոսքով հանդես եկավ ՀՀ պատվավոր հյուպատոս դր. Քրիստինե Զասսեն, ինչպես նաև EUROPAMUSICALE եվրոպական մշակութային հիմնադրամի ղեկավար Հելմուտ Պաուլին:

Երեկոյի ընթացքում հնչեցին Կոմիտասի, Պենդերեցկու, Հինդեմիթ Շարաֆյանի, Հալաջյանի, Օստրցիգայի, Բուխենբերգի, Պերտի, Ստամբուլցյանի, Հովհաննիսյանի, Շանդերլի ստեղծագործությունները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր