Դեսպանը՝ հյուր Էբերսվալդեում

07 սեպտեմբերի, 2022

2022թ. օգոստոսի 24-ին ԳԴՀ-ում ՀՀ դեսպան Վիկտոր Ենգիբարյանը Էբերսվալդեի «Դիվանագիտական սրահի» 17-րդ թողարկման գլխավոր հյուրն էր: Դեսպանը հանդես եկավ Հայաստանի մասին դասախոսությամբ և պատասխանեց ներկաների հարցերին: Միջոցառումը կազմակերպվել էր Հոեք հիմնադրամի նախաձեռնությամբ:

Էբերսվալդեի տեղական «Barnim-Echo» թերթում հրապարակվել է «Դեսպանը՝ հյուր Էբերսվալդեում» վերտառությամբ հոդված: «Քննարկման առանցքային թեման զբոսաշրջությունն էր և հատկապես երկրի մշակույթը: Միջոցառման ներկաներին հաղորդվել է նաև, որ շախմատը դասավանդվում է դպրոցներում որպես ուսումնական առարկա: Հյուրերը և դեսպանը մտքեր փոխանակեցին աշխարհահռչակ հայ կոմպոզիտոր Արամ Խաչատրյանի և շախմատի աշխարհի նախկին չեմպիոն Տիգրան Պետրոսյանի մասին»:

Միջոցառման ավարտին հյուրերը համտեսեցին հայկական ավանդական ուտեստներ, այդ թվում լավաշ և գաթա:

Դեսպան Ենգիբարյանը գրառում կատարեց Հոեք հիմնադրամի հյուրերի գրքում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր