Դեսպանի հանդիպումը ԳԴՀ նախագահի աշխատակազմի միջազգային հարաբերությունների վարչության տնօրեն Վոլֆգանգ Զիլբերմաննի հետ

07 սեպտեմբերի, 2022

Սեպտեմբերի 7-ին ԳԴՀ-ում ՀՀ դեսպան Վիկտոր Ենգիբարյանը հանդիպում ունեցավ ԳԴՀ նախագահի աշխատակազմի միջազգային հարաբերությունների վարչության տնօրեն Վոլֆգանգ Զիլբերմաննի և Եվրոպայի բաժնի պետ Անյա Վալլաուի հետ:

Հանդիպման ընթացքում զրուցակիցները քննարկեցին տարածաշրջանում տեղի ունեցող զարգացումները, քաղաքական և անվտանգային իրավիճակը: ՀՀ դեսպանը ներկայացրեց Լեռնային Ղարաբաղի հակամարտությանն առնչվող, ինչպես նաև Հայաստան-Ադրբեջան և Հայաստան-Թուրքիա հարաբերությունների վերջին զարգացումները, ընդգծեց Ադրբեջանում ապօրինաբար պահվող հայ ռազմագերիների անհապաղ վերադարձի անհրաժեշտությունը:

Կողմերն անդրադարձան նաև Հայաստան-Գերմանիա երկկողմ հարաբերություններին, տնտեսական, կրթական և մշակութային ոլորտներում համագործակցության ընդլայնմանը, փոխայցելությունների իրականացմանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր