ՀՀ և ԳԴՀ միջև դիվանագիտական հարաբերությունների հաստատման 30-ամյակին նվիրված ջազ համերգ Բեռլինում

12 սեպտեմբերի, 2022

Սեպտեմբերի 10-ին Բեռլինի Kesselhaus & Maschinenhaus (Kulturbrauerei) համերգասրահի լեցուն դահլիճում կայացավ հանրահայտ ջազ դաշնակահար Վահագն Հայրապետյանի «HipNoyZ» եռյակի և երեկոյի հատուկ հյուր Հարություն Չքոլյանի (դուդուկ, զուռնա) համատեղ համերգը՝ նվիրված Հայաստանի և Գերմանիայի միջև դիվանագիտական հարաբերությունների հաստատման 30-ամյակին: Համերգն ուղեկցվեց լուսանկարիչ Ռոզե Այզենի վիդեո-կոլաժներով:

Համերգը կազմակերպվել էր ԳԴՀ-ում ՀՀ դեսպանության, Բեռլինի Kulturbrauerei-ի և Գերմանահայկական ֆորումի կողմից:

Ողջույնի խոսքով հանդես եկան ԳԴՀ-ում ՀՀ դեսպան Վիկտոր Ենգիբարյանը և Գերմանահայկական ֆորումի նախագահ, Բունդեսթագի պատգամավոր Թիլ Մանսմանը: Դեսպան Ենգիբարյանն իր խոսքում ընդգծեց ՀՀ և ԳԴՀ-ի միջև հարաբերությունների դինամիկ զարգացումը տարբեր մակարդակներում՝ կարևորելով մշակութային միջոցառումների անցկացումը: Պատգամավոր Մանսմանը, խոսելով հայ և գերմանացի ժողովուրդների միջև բարեկամական հարաբերությունների մասին, ընդգծեց, որ վերջիններս շատ բան ունեն իրարից սովորելու: Այս համատեքստում Մանսմանն առանձնացրեց Բեռլինում ԹՈՒՄՈ ստեղծարար տեխնոլոգիաների կենտրոնի բացումը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր