Նաումբուրգն ու Արմավիրը հռչակվեցին քույր քաղաքներ

19 նոյեմբերի, 2022

Նոյեմբերի 16-ին Նաումբուրգի Սուրբ Վենցել եկեղեցում տեղի ունեցավ Սաքսոնիա-Անհալթ երկրամաս Բուրգենլանդկրայզ շրջանի Նաումբուրգ և ՀՀ Արմավիրի մարզի Արմավիր քաղաքների միջև համագործակցության հուշագրի ստորագրման հանդիսավոր արարողություն: Ողջույնի խոսքով հանդես եկան Նաումբուրգի և Արմավիրի քաղաքապետներ Արմին Մյուլլերը և Դավիթ Խուդաթյանը, ինչպես նաև Գերմանիայում Հայաստանի դեսպան Վիկտոր Ենգիբարյանը և Սաքսոնիա-Անհալթ երկրամասում ՀՀ պատվավոր հյուպատոս Միխայել Շմիդտը:

Դեսպանն իր ելույթում անդրադարձավ վերջին մի քանի ամիսների ընթացքում կողմերի կատարած աշխատանքին՝ հուշագրի ստորագրումը իրականություն դարձնելու համար: Նշեց, որ գործընկերության հաստատման գաղափարի հիմքում ընկած էր նաև այն փաստը, որ թե՛ Մայր աթոռ Սուրբ Էջմիածինը և թե՛ Նաումբուրգի Դոմը ընդգրկվել են ՅՈՒՆԵՍԿՕ-ի համաշխարհային ժառանգության ցանկում: Դեսպանի համոզմամբ հուշագիրն ազդարարում է մարդկանց միջև նոր շփումների, նոր համագործակցությունների հաստատման և նոր համատեղ նախաձեռնությունների սկիզբ:

Գերմանահայկական մշակութային երեկոն ուղեկցվեց Հայաստանի պետական կամերային նվագախմբի և երգեհոնահար Նիկոլաս Բերնդտի երաժշտական կատարումներով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր