Դեսպանի հանդիպումը ԳԴՀ Բունդեսթագի՝ ԵՄ հարցերով հանձնաժողովի նախագահ դր. Անտոն Հոֆրայտերի հետ

17 հունվարի, 2023

Հունվարի 17-ին ԳԴՀ-ում ՀՀ դեսպան Վիկտոր Ենգիբարյանը հանդիպում ունեցավ ԳԴՀ Բունդեսթագի Կանաչներ խմբակցության պատգամավոր, ԵՄ հարցերով հանձնաժողովի նախագահ դր. Անտոն Հոֆրայտերի հետ:

Վերջինիս խնդրանքով դեսպան Վիկտոր Ենգիբարյանը ներկայացրեց Լաչինի միջանցքի շրջափակմամբ ստեղծված իրավիճակը, հայ ռազմագերիների վերադարձի խնդիրը, ադրբեջանական ագրեսիան, Ադրբեջանի իշխանությունների սպառնալիքները: Ստեղծված իրավիճակում դեսպանը կարևորեց Լեռնային Ղարաբաղ և Լաչինի միջանցք փաստահավաք առաքելություն գործուղելու, ինչպես նաև Լեռնային Ղարաբաղ անարգել հումանիտար հասանելիություն ապահովելու հարցը:

Զրուցակիցները քննարկեցին Հայաստանի տարածքում ԵՄ առաքելության տեղակայումը և դրա կարևորությունը:

Հանդիպման ընթացքում զրուցակիցներն անդրադարձան նաև Արևելյան գործընկերությանն ու միջխորհրդարանական համագործակցությանը վերաբերող հարցերի:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր