«Մխիթար Գոշի» մեդալով է պարգևատրվել Գերմանիայում Տաջիկստանի դեսպան Իմոմուդին Սատորովը

30 հունվարի, 2023

Հայաստանի Անկախության 30-րդ տարեդարձի կապակցությամբ, ՀՀ հետ բարեկամական հարաբերությունների ամրապնդման և զարգացման, քաղաքական և տնտեսական փոխգործակցության խորացման գործում ներդրած նշանակալի ավանդի համար ՀՀ նախագահի հրամանագրով «Մխիթար Գոշի» մեդալով է պարգևատրվել Հայաստանում Տաջիկստանի առաջին դեսպան, ներկայումս Գերմանիայում Տաջիկստանի դեսպան Իմոմուդին Սատորովը:

Հունվարի 27-ին ՀՀ դեսպանությունում տեղի ունեցավ մեդալի հանձնման հանդիսավոր արարողությունը: ՀՀ դեսպան Վիկտոր Ենգիբարյանն իր խոսքում ընդգծեց, որ դեսպան Սատորովը մեծ ներդրում է ունեցել Հայաստանի և Տաջիկստանի միջև երկկողմ բարեկամական հարաբերությունների զարգացման գործում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր