ՀՀ սփյուռքի գործերի գլխավոր հանձնակատար Զարեհ Սինանյանի հանդիպումը Բեռլինի հայ համայնքի ներկայացուցիչների հետ

12 մայիսի, 2023

Աշխատանքային այցով Գերմանիայում գտնվող ՀՀ սփյուռքի գործերի գլխավոր հանձնակատար Զարեհ Սինանյանը մայիսի 11-ին ՀՀ դեսպանությունում հանդիպում ունեցավ Բեռլինում գործող հայկական կառույցների ներկայացուցիչների և համայնքում ակտիվ գործունեություն ծավալող մի շարք անհատների հետ: Հանդիպմանը մասնակցեցին նաև ՀՀ սփյուռքի գործերի գլխավոր հանձնակատարի գրասենյակի սփյուռքի ներուժի քարտեզագրման և ներգրավման վարչության պետ Կարեն Ավանեսյանը, ԳԴՀ-ում ՀՀ դեսպան Վիկտոր Ենգիբարյանը, ՀՀ դեսպանության դիվանագետներ։

Հանձանակատարը ներկայացրեց Գրասենյակի գործունության հիմնական ուղղությունները և ծրագրերը, կարևորեց սփյուռքհայերի մասնակցությունը և ներգրավումը Հայաստանի պետական կառավարման ոլորտին, պետական մարմինների կողմից իրականացվող ծրագրերին և աշխատանքներին: Քննարկվեցին տարբեր ոլորտներում Հայաստանի զարգացման օրակարգն առաջ մղելու գործում հայկական սփյուռքի ներգրավման և, մասնավորապես, երիտասարդ մասնագետների ներուժի լավագույնս օգտագործման հնարավորությունները։

Հանդիպման ավարտին Հանձնակատարը Բեռլինի հայ համայնքի մի շարք կառույցների և անհատների հանձնեց շնորհակալագրեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր