ՀՀ էկոնոմիկայի նախարար Վահան Քերոբյանի գլխավորած պատվիրակությունը մասնակցեց Ներդրումների կառավարման ցուցահանդեսին

15 սեպտեմբերի, 2023

Սեպտեմբերի 14-ից 15-ը ՀՀ էկոնոմիկայի նախարար Վահան Քերոբյանի գլխավորած պատվիրակությունը Գերմանիայի Ֆրանկֆուրտ քաղաքում մասնակցեց Ներդրումների կառավարման ցուցահանդեսին:

Ցուցահանդեսի շրջանակում կազմակերպված «Anticiparing trends - an accelerator for FDI in Armenia» սեսիայի ընթացքում նախարար Վահան Քերոբյանը հանդես եկավ ելույթով և ներկայացրեց ՀՀ տնտեսության ոլորտում գրանցած հաջողություններն ու ձեռքբերումները։ Ներդրումների աջակցման կենտրոնն իր կողմից ներկայացրեց ՀՀ ներդրումային միջավայրը նկարագրող «Invest In Armenia» շնորհանդեսը։

Ցուցահանդեսի շրջանակներում նախարար Քերոբյանը հանդիպումներ ունեցավ Փոքր ու միջին բիզնեսի գերմանական ասոցիացիայի գործարար ոլորտի մենեջեր Ռեյնոլդ Ունգերն-Շտերնբերգի, ինչպես նաև Շարժայի օտարերկրյա ուղղակի ներդրումների ընկերության ղեկավար Մոհամմադ Ջումա Ալ Մուշարախի հետ: Հանդիպումների ընթացքում քննարկվեցին համագործակցության, տնտեսության տարբեր ոլորտներում ներդրումների իրականացման հնարավորությունները։

Ցուցահանդեսին մասնակցում էր նաև ՀՀ դեսպան Վիկտոր Ենգիբարյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր