2023թ. գերմանահայկական համերգաշարի երկրորդ համերգ

13 նոյեմբերի, 2023

Նոյեմբերի 11-ին ՀՀ դեսպան Վիկտոր Ենգիբարյանը ԳԴՀ Բադեն-Բադեն քաղաքում մասնակցեց 2023թ. գերմանահայկական համերգաշարի երկրորդ համերգին։

Համերգաշարը կազմակերպվում է 2012 թվականից Կարլսրուhեում և Բադեն-Բադենում Գերմանահայկական երաժշտական միության կողմից: Այն անցկացվում է Բադեն-Վյուրթեմբերգում ՀՀ պատվավոր հյուպատոս Գյունտեր Պիլարսկու հովանու ներքո և ԳԴՀ-ում ՀՀ դեսպանության աջակցությամբ:

Ողջույնի խոսքով հանդես եկան Գերմանիայում ՀՀ դեսպան Վիկտոր Ենգիբարյանը և Բադեն-Վյուրթեմբերգում ՀՀ առևտրաարդյունաբերական պալատի ներկայացուցիչ Ռոբերտ Վ. Հուբերը:

Բադեն-Բադենի Palais Biron-ում հանդես եկավ «Աղաբեկյան քառյակը»՝ Անի Աղաբեկյան (ջութակ), Դանիել Բոլինգեր (կլառնետ), Պավել Կլիմաշևսկի (բաս), Ջերարդ Յուզենգիձյան (թավջութակահար` փոխարինելով Վիկտոր Պլումետազին): Վիվալդիի, Ռախմանինովի, Պիացոլլայի և այլնի ստեղծագործություններից բացի արդեն հայտնի «Դասական ընտրանի թիվ 1»-ից առաջին անգամ հնչեցին Սեն-Սանսի, Շոպենի, Խաչատրյանի, Պագանինիի և Դվորժակի մշակված ստեղծագործությունները։

Նկարներ՝ Israel & Sons

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր