ՀՀ դեսպան Վիկտոր Ենգիբարյանը ներկա գտնվեց «Լեռնային Ղարաբաղ» զեկույցին

15 նոյեմբերի, 2023

ՀՀ դեսպան Վիկտոր Ենգիբարյանը Բեռնաու քաղաքի կաթոլիկ եկեղեցու սրահում ներկա գտնվեց ԳԴՀ Բրանդենբուրգ երկրամասի Լանդթագի Ազատ ընտրողներ խմբակցության ղեկավար Պետեր Վիդայի «Լեռնային Ղարաբաղ» զեկույցին:

2019թ. Պետեր Վիդան մեկնել է Հայաստան և Լեռնային Ղարաբաղ և իր տպավորությունները ներկայացրել ճամփորդական զեկույցի տեսքով։

Իր զեկույցում Վիդան անդրադարձավ Լեռնային Ղարաբաղից տասնյակ հազարավոր հայերի բռնի տեղահանությանը, ինչպես նաև Հայաստանյայց առաքելական սուրբ եկեղեցու և Հայաստանի ու Լեռնային Ղարաբաղի պատմական վայրերի առանձնահատկություններին:

Դեսպանը հանդես եկավ ողջույնի խոսքով, որում անդրադարձավ Լեռնային Ղարաբաղի հայերի էթնիկ զտմանը, առկա իրավիճակին և պատասխանեց ներկաների հարցերին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր