ԵԽ Նախարարների կոմիտեում Լիխտենշտայնի նախագահությանը նվիրված քննարկում

05 դեկտեմբերի, 2023

Դեկտեմբերի 5-ին Լիխտենշտայնի Իշխանապետությունում ՀՀ դեսպան Վիկտոր Ենգիբարյանը մասնակցեց ԵԽ Նախարարների կոմիտեում Լիխտենշտայնի նախագահությանը նվիրված քննարկմանը, որը կազմակերպվել էր Եվրոպական շարժում Գերմանիայի (EBD) նախաձեռնությամբ՝ արտաքին գործերի դաշնային նախարարության, Գերմանիայում Լիխտենշտայնի դեսպանության և ԵԽ ներկայացուցչության հետ համատեղ:

Մասնակիցներին ողջունեցին Գերմանիայում ԵԽ ներկայացուցչության քաղաքական թիմի ղեկավար Մոնիկա Հաուպտմանը և EBD-ի փոխնախագահ Բարբարա Լոխբիհլերը: Քննարկմանը ներկա էր նաև Գերմանիայում Լիխտենշտայնի դեսպան Իզաբել Ֆրոմելթ Գոթշալթը: ԵԽ-ում Լիխտենշտայնի մշտական ներկայացուցիչ Դոմինիկ Վանգերը ներկայացրեց ԵԽ նախարարների կոմիտեում Լիխտենշտայնի նախագահության առաջնահերթությունները։

Քննարկման ընթացքում ելույթով հանդես եկավ նաև ՀՀ դեսպան Վիկտոր Ենգիբարյանը։ Դեսպանն իր ելույթում հակիրճ ներկայացրեց ժողովրդավարության, իրավական պետության, օրենքի գերակայության, անկախ դատական համակարգի ձևավորման, կոռուպցիայի դեմ պայքարի, մարդու իրավունքների և ժողովրդավարական այլ ինստիտուտների կայացման ուղղությամբ Հայաստանի անցած ճանապարհը, ընդգծեց առկա հակամարտությունների ազդեցությունը՝ որպես ժողովրդավարության կայացման հիմնական սպառնալիք։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր