Հայաստանին նվիրված մշակութային երեկո Բեռլինում

07 մարտի, 2024

Մարտի 7-ին Բեռլինի տնտեսական ֆորումի շրջանակներում տեղի ունեցավ Հայաստանին նվիրված մշակութային երեկո՝ "Symphony of armenian culture, wine and tourism” խորագրով։ Այն կազմակերպվել էր ՀՀ դեսպանության և Մշակութային դիվանագիտության ակադեմիայի (ICD) կողմից։

Միջոցառմանը ՀՀ դեսպան Վիկտոր Ենգիբարյանը հանդես եկավ ողջույնի խոսքով՝ անդրադառնալով Հայաստանի զբոսաշրջային գրավչությանը։

Հայաստանի մշակույթին, պատմությանը և գինեգործությանը նվիրված ելույթներով հանդես եկան նաև միջազգային իրավունքի փորձագետ դր․ Հանս Յորգ Շրյոտերը և գինեգործ, Weingut Herzer ընկերության սեփականատեր Շտեֆան Հերցերը։ Հիշատակվեց, որ այս տարին հոբելյանական է՝ աշխարհահռչակ շանսոնյե Շառլ Ազնավուրի և հռչակավոր կինոռեժիսոր Սերգեյ Փարաջանովի ծննդյան 100-ամյակը ներառվել է ՅՈՒՆԵՍԿՕ-ի նշանավոր անձանց հոբելյանների ցանկում։

Երեկոյին ներկա գտնվեցին Գերմանիայի քաղաքական, հասարակական, գործարար և մշակութային շրջանակների ներկայացուցիչներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր