Հայաստանն իր տաղավարով մասնակցեց Գերմանիայի՝ «Ապագայի օր 2024» խորագրով ցուցահանդեսին

13 մարտի, 2024

Մարտի 13-ին Հայաստանն իր տաղավարով մասնակցեց Գերմանիայի՝ «Ապագայի օր 2024» խորագրով միջին ձեռնարկությունների ամենամեծ խորհրդաժողովի ցուցահանդեսին:

Բիզնեսի և քաղաքականության առաջատար որոշումներ կայացնողներին միավորող այս հեղինակավոր միջոցառմանը մասնակցում էին դաշնային փոխկանցլեր Ռոբերտ Հաբեկը, դաշնային այլ նախարարներ, ինչպես նաև շուրջ 5000 միջին բիզնեսի ներկայացուցիչներ:

Հայաստանի տաղավարում ՀՀ դեսպանության և ՀՀ Ներդրումների աջակցման կենտրոնի կողմից գործընկեր կառույցներին և միջին բիզնեսի բազմաթիվ ներկայացուցիչների ներկայացվեց Հայաստանի տնտեսական ներուժը և ներդրումային հնարավորությունները: Երկկողմ հանդիպումների ընթացքում պայմանավորվածություններ ձեռք բերվեցին հետագա համագործակցության համար:

Միջոցառմանը փոքր ձեռնարկությունների ապագային միտված հիմնական թեմաներն էին թվայնացումը, էներգետիկ վերափոխումը, նոր աշխատատեղերը, շարժունակությունը և փոխկապակցումը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր