Գերմանահայկական մշակութային օրեր Բեռլինում

03 մայիսի, 2024

ՀՀ դեսպան Վիկտոր Ենգիբարյանը մայիսի 3-ին Կառլհորստի մշակութային տանը մասնակցեց Բեռլինում գերմանահայկական մշակութային օրերի բացմանը, որը կազմակերպվել է Եվրոպացի և հայ մասնագետների ասոցիացիայի կողմից (ՀԵՄԱ)։ Մշակութային օրերի անցկացմանը աջակցում են Բեռլին քաղաքի Լիխտենբերգ համայնքը և պատգամավոր, պրոֆ. Մարտին Պեցոլդը: Դեսպանը հանդես եկավ ողջույնի խոսքով։

Նույն օրը տեղի ունեցավ նաև ՀՀ ժողովրդական նկարիչ Հրանտ Թադևոսյանի (Թաթոս) «Ճշմարտությունների կենտրոնում» խորագրով գեղարվեստի ցուցահանդեսի բացումը։ Ցուցահանդեսը կգործի մինչև հունիսի 1-ը։

Գերմանահայկական մշակութային օրերի շրջանակներում նախատեսվում են նաև հետևյալ միջոցառումները․

- «Երկու «ճշմարտություն» երաժշտության մեջ. դասական երաժշտություն և ջազ՝ նվիրված Հայաստանի «ԿՈՄԻՏԱՍԻ» անվան ազգային քառյակի 100-ամյակին (մայիսի 18, ժամը 19։00, հասցեն՝ Treskowallee 112, 10318 Բեռլին)։

- «Ճշմարտություն եվ արվեստ» խորագրով դասախոսություն, գերմանացի հեղինակ, հաղորդակցության խորհրդատու, հրապարակախոս, դասախոս և հռետորաբան դր․ Վազրիկ Բազիլ (մայիսի 11, ժամը 15։00, Treskowallee 112, 10318 Բեռլին)։

- Մանկական ծրագիր՝ «Մկների ժողովը» բեմական ներկայացում, բեմադրող՝ Էրիկ Բարսեղյան (հունիսի 1, ժամը 15։30, Treskowallee 112, 10318 Բեռլին)։

https://aeae.eu/hy/ankuendigung/645

https://orer.eu/.../05/04/berlin-april-2024-mshakuiti-orer/

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր