ՀՀ դեսպանի հանդիպումը գործարարների հետ

17 հունիսի, 2024

Կառլսրուհեի Առևտրի և արդյունաբերության պալատի հրավերով ՀՀ դեսպան Վիկտոր Ենգիբարյանը հանդիպում ունեցավ գործարարների հետ: Միջոցառումը անցկացվեց պալատի նախագահ Վոլֆգանգ Գրենկեի նախագահությամբ և մի շարք գործարարների, այդ թվում՝ Բադեն-Վյուրթեմբերգ երկրամասում ՀՀ պատվավոր հյուպատոս Գյունթեր Պիլարսկիի, Հայաստանի առևտրաարդյունաբերական պալատի ներկայացուցիչ Ռոբերտ Հուբերի և այլ գործարարների մասնակցությամբ: Միջոցառմանը մասնակցեց նաև Կառլսրուհեի Առևտրի և արդյունաբերության պալատի տնօրեն դոկտոր Արնե Ռուդոլֆը: Պալատը Գերմանիայում համանման կառույցների ցանցում պատասխանատու է Հայաստանի հետ հարաբերությունների համար:

ՀՀ դեսպանը ներկայացրեց Կառավարության Խաղաղության խաչմերուկ նախաձեռնությունը, երկրի տնտեսական զարգացումները, ներդրումային գրավչությունը, պատասխանեց մասնակիցների հարցերին և գործարարներին հրավիրեց Հայաստան:

Միջոցառման վերջում տեղի ունեցավ դեսպանի տիկնոջ՝ Սոնա Սաղաթելյանի գեղանկարների ցուցահանդեսը, որը կազմակերպվել էր Կառլսրուհեի Առևտրի և արդյունաբերության պալատի նախաձեռնությամբ և հրավերով: Ցուցահանդեսին բացման խոսքով հանդես եկավ պալատի նախագահ Վոլֆգանգ Գրենկեն, իսկ մշակութաբան դոկտոր Դիթեր Քիսթները ներկայացրեց արվեստագետին և գեղանկարները: Միջոցառումը ուղեկցվեց Բադեն-Վյուրթեմբերգի երկրամասում ՀՀ պատվավոր հյուպատոսության մշակութային հանձնակատար, ջութակահարուհի Անի Աղաբեկյանի կատարումներով:

Ներդրած ջանքերի և հյուրընկալության համար շնորհակալություն ենք հայտնում վերը նշված բոլոր անհատներին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր